महाराष्ट्र SSC-HSC Exam 2026 महाराष्ट्रातील दहावी आणि बारावीच्या परीक्षा 2026 पासून परीक्षागृहांमध्ये मोठा बदल पाहायला मिळणार आहे. राज्य माध्यमिक व उच्च माध्यमिक शिक्षण मंडळाने (MSBSHSE) यंदापासून सर्व परीक्षागृहांत CCTV कॅमेरे बसवणे अनिवार्य केले आहे. म्हणजेच ज्या केंद्रांवर कॅमेरे नसतील, त्या शाळांना परीक्षा घेण्याची परवानगीच दिली जाणार नाही.

हा निर्णय विद्यार्थ्यांची सुरक्षा वाढवणे आणि परीक्षा कॉपीमुक्त ठेवणे या उद्देशाने घेण्यात आला आहे.

---

📌 नाशिक विभागातील परीक्षा केंद्रांची तपासणी सुरू

नाशिक विभागीय मंडळाने नाशिक, धुळे, जळगाव आणि नंदुरबार या चार जिल्ह्यांमधील परीक्षा केंद्रांची पाहणी सुरू केली आहे.
या केंद्रांकडून खालील माहिती मागवली जात आहे:

• परीक्षा केंद्राचे नाव
• विद्यार्थ्यांची संख्या
• उपलब्ध वर्गखोल्या
• पिण्याच्या पाण्याची सोय
• स्वच्छतागृह
• अग्निशमन यंत्रणा
• आणि सर्वात महत्त्वाचे – CCTV कॅमेरे किती आहेत आणि ते कार्यरत आहेत का ?

मंडळाचा यंदा विशेष भर CCTV सुविधेवर आहे. कारण गेल्या वर्षीही हा विषय पुढे आला होता, पण तेव्हा कॅमेरे बंधनकारक नव्हते. मात्र 13 मे 2025 च्या शासन अध्यादेशानंतर ही अट आता अनिवार्य झाली आहे.

---

🗓 परीक्षा तारीखा – 2026 | महाराष्ट्र SSC-HSC Exam 2026

• बारावी परीक्षा: 10 फेब्रुवारी 2026
• दहावी परीक्षा: 20 फेब्रुवारी 2026

या परीक्षा सुरू होण्यापूर्वीच सर्व केंद्रांनी CCTV बसवणे आणि त्याची तपासणी करून घेणे गरजेचे आहे.

---

🎯 CCTV कॅमेरे का अनिवार्य?

राज्य मंडळाचे उद्दिष्ट स्पष्ट आहे:

• परीक्षा पूर्णपणे कॉपीमुक्त व्हाव्यात
• केंद्रांमध्ये पारदर्शकता वाढवावी
• विद्यार्थ्यांची आणि शिक्षकांची सुरक्षा मजबूत करावी
• अनियमितता आणि गैरव्यवहार थांबवावे

जर केंद्राकडे कॅमेरे नसतील किंवा ते योग्यप्रकारे चालू नसतील, तर त्यांना थेट परीक्षा केंद्राची परवानगी नाकारली जाईल.

---

🔍 तपासणीदरम्यान अधिकारी नेमके काय पाहतात?

• प्रत्येक वर्गखोलीत किमान एक CCTV कॅमेरा आहे का?
• तो योग्यप्रकारे रेकॉर्डिंग करतो का?
• कंट्रोल रूम किंवा मॉनिटरिंगची व्यवस्था आहे का?
• कॅमेरा खराब नाही ना?

महाराष्ट्र SSC-HSC Exam 2026 यापैकी कोणतीही गोष्ट अपूर्ण आढळल्यास त्या शाळेचे परीक्षा केंद्र रद्द केले जाऊ शकतो

अधिक माहिती साठी इथे क्लिक करा