‘या’ सरकारी App द्वारे ऑनलाईन रेशन कार्डसाठी अर्ज करता येणार! ‘या’ राज्यांमध्ये सेवा सुरू
Ration Card Update: आता रेशन कार्डसाठी अर्ज करण्यासाठी सरकारी कार्यालयात जाण्याची गरज नाही. केंद्र सरकारने प्रक्रिया अधिक सोपी केली असून, नागरिकांना आता UMANG या सरकारी अॅपद्वारे घरबसल्या ऑनलाइन अर्ज करता येणार आहे.
रेशन कार्ड एवढं महत्त्वाचं का?
रेशन कार्ड फक्त स्वस्त धान्य मिळवण्यासाठी नाही, तर ते तुमची ओळख, पत्ता, आणि कुटुंबातील सदस्यांची संख्या अधिकृतपणे दर्शवणारे महत्त्वाचे सरकारी दस्तऐवज आहे. अनेक सरकारी योजनांसाठी हे अनिवार्य असल्याने, प्रत्येक कुटुंबासाठी ते अत्यंत उपयुक्त ठरते.
Ration Card Update UMANG App वरून ऑनलाइन रेशन कार्डसाठी अर्ज कसा कराल?
- सर्वप्रथम तुमच्या मोबाइलमध्ये UMANG App डाउनलोड करा.
- तुमच्या मोबाइल नंबर वापरून अॅपवर नोंदणी करा.
- होम स्क्रीनवर ‘Services’ विभागात जा.
- ‘Utility Services’ मध्ये ‘Ration Card Services’ हा पर्याय निवडा.
- Apply Ration Card वर क्लिक करा.
- तुमचे State निवडा.
- आवश्यक वैयक्तिक माहिती भरा – नाव, वडिलांचे नाव, जन्मतारीख, पत्ता इत्यादी.
- मागितलेली सर्व कागदपत्रे अपलोड करा.
- शेवटी Submit बटणावर क्लिक करा.
बस! तुमचा अर्ज सबमिट होईल.
APP डाउनलोड करण्यासाठी इथे क्लिक करा
ही सुविधा सध्या कोणत्या राज्यांसाठी उपलब्ध?
सध्या UMANG App वरून रेशन कार्ड अर्जाची सुविधा फक्त काही मोजक्या केंद्रशासित प्रदेशांसाठी उपलब्ध आहे—
- चंदीगड
- लडाख
- दादरा आणि नगर हवेली
या प्रदेशातील नागरिक थेट अॅपमधून ऑनलाइन रेशन कार्डसाठी अर्ज करू शकतात.
केंद्र सरकारनुसार, लवकरच ही सेवा देशातील इतर राज्यांमध्येही सुरू होणार असून महाराष्ट्रातील नागरिकांनाही ही सुविधा मिळणार आहे.
